გლუკოზის თვითკონტროლი

იმისათვის, რომ სრულყოფილად ვმართოთ დიაბეტი, შაქარი გვქონდეს ნორმაში და თავიდან ავიცილოთ გართულებები, საჭიროა თვითკონტროლი და მუდმივი მონიტორინგი.
უნდა გვახსოვდეს, რომ თვითკონტროლის ძირითადი არსი არამარტო გლუკოზის დონის რეგულარული შემოწმებაა, არამედ საჭიროა მიღებული შედეგების ანალიზი, დოზის დამოუკიდებელი კორექცია და გარკვეული ქმედებების დაგეგმვა მდგომარეო­ბის გამოსასწორებლად.
გლუკოზის მონიტორინგი შეიძლება შევადაროთ ავტომობილში საწვავის დონის კონტროლს. ყურადღება უნდა მივაქციოთ, რომ არ დაიწიოს ან არ აიწიოს ნორმაზე მაღლა შაქრის დონემ.

მონიტორინგის მიზანია, შაქრის მაჩვენებლები იყოს მაქსიმალურად მიახლოვებული ნორმასთან. ასეთ მდგომარეობას დიაბეტის კომპენსაცია ეწოდება, ხოლო მდგომარეობას, როცა გლუკოზა სისხლში მუდმივად ან ხშირად მომატებულია დიაბეტის დეკომპენსაცია ჰქვია.
ხშირად პატარა ბავშვებს ჩხვლეტის ეშინიათ, წინააღმდეგობას გვიწევენ ანალიზის აღებისას. მათ უნდა ავუხსნათ, რომ ჩხვლეტა არ არის მტკივნეული. ამის დასადასტუ­ რებლად შეიძლება ჩვენც ავიღოთ ანალიზი და დავანახოთ, რომ არაფერია საშიში.
შაქრიანი დიაბეტი ტიპი 1-ის დროს გლუკოზის დონის შემოწმება აუცილებელია ყოველდღიურად, როგორც წესი ძირათადი კვებებისა და ძილის წინ. გლიკემიას ვსაზღვრავთ, რათა შევაფასოთ, როგორ იმოქმედა უკვე გაკეთებული ინსულინის დო­ ზამ და გადავწვიტოთ, რამდენი ერთეული გავაკეთოთ ამჯერად. ასევე პერიოდულად უნდა გავზომოთ ღამის განმავლობაშიც, რათა არ გამოგვეპაროს ღამის ჰიპოგლიკემია. განსაკუთრებით, თუ ხშირია დილის ჰიპერგლიკემია, ამ დროს ბავშვი იღვიძებს დაღლილი, თავის ტკივილით, ხშირად ხედავს ცუდ სიზმრებს.
უფრო ხშირი გაზომვა დაგვჭირდება ვირუსული და ინფექციური დაავადებების დროს, ფიზიკური დატვირთვის, ჩვეული დღის რეჟიმის ცვლილების დროს და ა.შ.

სისხლში გლუკოზის თვითკონტროლი

სახლში გლუკოზის კონტროლს გლუკომეტრების საშუალებით ვახორციელებთ. გლუკომეტრები განსხვავდებიან ერთმანეთისგან ფორმის, ზომის, საჭირო სისხლის რაოდენობის, მეხსიერების მოცულობით და ა.შ.